0
Jizzaxda er rashk sabab xotini va o‘zini pichoqladi
Holat yuzasidan IIV maʼlumot berdi.
Jizzax viloyatining Arnasoy tumanida 17-mart kuni er rashk sabab avval xotinini, keyin esa o‘zini pichoqladi. Bu haqda Ichki ishlar vazirligi axborot xizmati xabar bermoqda.
Holat Arnasoy tumani “Oltinvodiy” mahallasida yuz bergan. 1991 yilda tug‘ilgan fuqaro bilan 28 yoshli turmush o‘rtog‘i o‘rtasida rashk sabab janjal kelib chiqqan. Oqibatda erkak oshxona pichog‘i bilan dastlab ayoliga, keyin esa o‘ziga jarohat yetkazgan.
Hodisa sababli 2 nafar voyaga yetmagan farzandning onasi voqea joyida vafot etgan. Erkak esa tuman tibbiyot birlashmasining jonlantirish bo‘limiga yotqizilgan.
