Vengriya Putinning hibsga olinishiga rozi emas
Budapesht YEIning Putinning hibsga olinishi haqidagi arizasini blokladi.
Vengriya Yevropa Ittifoqiga aʼzo davlatlarning Rossiya prezidenti Vladimir Putinni hibsga olish uchun xalqaro order berish haqidagi qo‘shma arizasini blokladi.
Qayd etilishicha, Budapeshtning veto qo‘yishi tufayli Yevropa Ittifoqi diplomatiyasi rahbari Josep Borrell o‘z nomidan bayonot berib, Xalqaro jinoiy sud qarorini “eʼtiborga olgani”ni maʼlum qildi.
Ertasi kuni Yevropa Ittifoqi adliya vazirlari Vengriya imzolamagan XJS qarorini qo‘llab-quvvatlovchi o‘z bayonotlarini eʼlon qilishdi.
Maʼlumotlarga ko‘ra, Budapesht pozitsiyasi shu hafta Bryusselda bo‘lib o‘tadigan Yevropa Ittifoqi yetakchilarining sammitida izohlanishi mumkin.
