Tarixda ilk bor qoraqalpoq tili BMT minbarida yangradi
Saida Mirziyoyeva Nyu-Yorkda suv masalalari bo‘yicha bo‘lib o‘tgan BMT anjumanida nutq so‘zladi.
Saida Mirziyoyeva Nyu-Yorkda suv masalalari bo‘yicha bo‘lib o‘tgan BMT anjumanida O‘zbekiston nomidan chiqish qilib, Orol dengizi mintaqasi uchun muhim bo‘lgan masalalarni ko‘tardi.
"Ushbu anjumanda ishtirok etish mamlakatimizga suv resurslarini boshqarish sohasidagi muammolar va yutuqlar bilan bo‘lishish, boshqa mamlakatlarning ilg‘or tajribasi va amaliyoti bilan tanishish imkonini berdi.
Men o‘z chiqishimda Orol dengizi ekologik fojiasiga qarshi kurashishda madaniyat va ijodning muhim ahamiyatga egaligini qayd etdim. Bu boradagi ishlar doirasida Madaniyat va sanʼatni rivojlantirish jamg‘armasi tomonidan keng ko‘lamli taʼlim va madaniy dasturlarni o‘z ichiga olgan Aral Culture Summit loyihasi bilan tanishtirdim", — dedi Mirziyoyeva.
