Bosh prokuror AQSH elchisi bilan uchrashuv o‘tkazdi
Tomonlar ikki davlat vakolatli organlari o‘rtasida huquqiy sohada shakllangan munosabatlarning bugungi kundagi holatini muhokama qildi.
O‘zbekiston Respublikasi Bosh prokurori Nig‘matilla Yo‘ldoshev AQSHning O‘zbekiston Respublikasidagi Favqulodda va muxtor elchisi Jonatan Xenik bilan uchrashdi.
Bosh prokuraturada bo‘lib o‘tgan uchrashuvda O‘zbekistonda sud-huquq sohalarida olib borilayotgan keng qamrovli islohotlar, qonuniylik va huquq-tartibotni taʼminlash, fuqarolarning huquq va erkinliklarini himoya qilish borasida prokuratura organlari tomonidan amalga oshirilayotgan ishlar to‘g‘risida maʼlumot berildi.
Tomonlar ikki davlat vakolatli organlari o‘rtasida huquqiy sohada shakllangan munosabatlarning bugungi kundagi holatini muhokama qildi. Uni yana-da rivojlantirish, shu jumladan, jinoyatchilikka qarshi kurashish yo‘nalishida hamkorlikni kengaytirishga ulkan salohiyat mavjudligi qayd etildi.
Uchrashuv ishtirokchilari bo‘lib o‘tgan muloqotning huquqiy sohada o‘zaro aloqalar mustahkamlanishiga yangi turtki bo‘lishiga ishonch bildirdi.
