Bayden: Xitoy Rossiyaga hozircha qurol yetkazib bermadi, ammo endi buni amalga oshirishi mumkin
AQSh avvalroq Pekin Moskvaga noharbiy yordam yetkazib berayotgani va qurol-yarog‘ yuborish masalasini ko‘rib chiqayotganini aytgan edi.
AQSh Prezidenti Jo Bayden Xitoy Rossiyaga qurol yetkazib bermaganini aytdi. Uning fikricha, Pekin kelajakda qurol-yarog‘larni topshirishi mumkin.
“Oxirgi uch oydan beri Xitoy Rossiyaga muhim qurol-yarog‘lar yetkazib bermoqchi, deb eshityapman. Ular buni hali qilmagan, lekin ushbu holat ular bunday qilmasliklarini anglatmaydi”, — dedi Bayden Ottavada Kanada bosh vaziri Jastin Tryudo bilan bo‘lib o‘tgan muzokaralar yakunlari bo‘yicha matbuot anjumanida.
AQSh avvalroq Xitoy Rossiyaga noharbiy yordam yetkazib berayotgani va qurol-yarog‘ yuborish masalasini ko‘rib chiqayotganini aytgan edi. Xitoy Tashqi ishlar vazirligi buni spekulyatsiya deb atadi. "Politico" nashriga ko‘ra, XXR hukumatiga aloqador bo‘lgan kompaniyalar Rossiyaga 1000 ga yaqin karabinlar va boshqa jihozlar, jumladan, dron qismlari va zirxlarini jo‘natgan.
