Nukus voqealari bo‘yicha 2 kishining sudi ular ishtirokisiz o‘tkazilmoqda
Bu bo‘yicha rasmiy axborot berildi.
Qoraqalpog‘iston Respublikasi sudining Jinoyat ishlari bo‘yicha sudlov hayʼati tomonidan Jinoyat kodeksining 28,104, 158, 159, 244 va 244-1-moddalarida nazarda tutilgan jinoyatlarni sodir etganlikda ayblanayotgan Amanbay Sagidullayev va Jinoyat kodeksining 28,104, 159, 244 va 244-1-moddalarida nazarda tutilgan jinoyatlarni sodir etganlikda ayblanayotgan Niyetbay Urazbayevga oid jinoyat ishi ochiq sud jarayonida ko‘rib chiqilmoqda. Bu haqda “O‘zA” xabar berdi.
Qayd etilishicha, Jinoyat-protsessual kodeksining 410-moddasi (sud muhokamasida sudlanuvchining ishtiroki)ga asoslanib, sudlanuvchilar O‘zbekiston Respublikasi hududidan tashqarida bo‘lganligi va ularni sudga keltirish imkoni yo‘qligi sababli ushbu jinoyat ishi bo‘yicha sud muhokamasi A. Sagidullayev va N. Urazbayevning ishtirokisiz o‘tkazilmoqda.
“Sud jarayoni yakuni bo‘yicha batafsil axborot beriladi”, – deyiladi xabarda.
