“S7 Airlines” Irkutskdan Farg‘onaga parvozlarni tiklamoqda
Parvozlar may oyidan boshlanadi
2023-yil 5-maydan boshlab Rossiyaning “S7 Airlines” aviakompaniyasi uzoq tanaffusdan so‘ng Irkutsk — Farg‘ona — Irkutsk yo‘nalishi bo‘yicha parvozlarni tiklaydi. Bu haqda “Uzbekistan airports” xabar bermoqda.
Reyslar Boeing 737-800 samolyotlarida haftada bir marta — juma kunlari amalga oshirilishi rejalashtirilgan.
Bugungi kunda “S7 Airlines” aviakompaniyasi Toshkent, Buxoro, Samarqand, Urganch va Namangan xalqaro aeroportlariga parvozlarni muvaffaqiyatli amalga oshirmoqda.
“S7 Airlines” — shtab-kvartirasi Novosibirskda joylashgan Rossiya aviakompaniyasi. U Rossiyadagi eng yirik xususiy aviatashuvchi bo‘lib, 26 mamlakatning 180 dan ortiq shaharlariga yo‘lovchi tashuvlarini amalga oshiradi.
