0
Qoraqalpog‘istonda poyezd odamni bosib ketdi
Fuqaro voqea joyida vafot etgan.
Ijtimoiy tarmoqlarda “Poyezd temiryo‘l relsida odamni bosib ketdi” nomli eʼlon qilingan xabar yuzasidan Transport prokuraturasi rasmiy izoh berdi.
Aniqlanishicha, joriy yilning 24 mart kuni soat 16:00 larda 053-sonli “Qo‘ng‘irot-Toshkent” yo‘nalishidagi yo‘lovchi poyezdi “Ellikqala-To‘rtko‘l” bekatlari oralig‘i 552-km. 5-to‘sig‘ida harakatlanib o‘tayotgan vaqtida 1979 yil tug‘ilgan fuqaro X.Sh.ning ehtiyotsizligi natijasida poyezd yo‘liga chiqib qolgan va natijada poyezd bosib ketgani aniqlangan.
Olgan tan jarohatlari natijasida fuqaro X.Sh. voqea joyida vafot etgan.
Hozirgi vaqtda mazkur holat yuzasidan Orolbo‘yi transport prokuraturasi tomonidan tergovga qadar tekshiruv harakatlarini olib borilmoqda.
