Rossiya Armanistonni qattiq ogohlantirdi
O‘tgan hafta Armaniston Putin hibsga olinishi mumkin bo‘lgan davlatlar qatoriga qo‘shilgandi.
Rossiya Tashqi ishlar vazirligi Armanistonning Xalqaro jinoiy sudning Rim statutini ratifikatsiya qilish haqidagi qarorini “qabul qilib bo‘lmaydigan” deb atadi, bu Rossiya prezidenti Vladimir Putinning mamlakatda hibsga olinishiga olib kelishi mumkin.
Qayd etilishicha, rossiyalik diplomatlar allaqachon Armanistonni bunday qadam qo‘yilgan taqdirda “o‘ta salbiy oqibatlar” haqida ogohlantirgan.
Armaniston hukumati kelajakda “Ozarbayjon hukumatini javobgarlikka tortish” maqsadida Rim statutini ratifikatsiya qilish jarayonini 2022 yil oxirida boshlaganliklarini bildirdi.
Eslatib o‘tamiz, 24 mart kuni Armaniston Konstitutsiyaviy sudi qaror eʼlon qildi, unga ko‘ra Rim statuti mamlakat Konstitutsiyasiga mos keladi. Qaror yakuniy hisoblanadi va u eʼlon qilingan paytdan eʼtiboran kuchga kiradi. Shu tariqa, Armaniston Putin tashrif buyurgan taqdirda hibsga olinishi mumkin bo‘lgan davlatlar qatoriga qo‘shildi.
