Tramp: Urush to‘xtatilmasa, Ukrainadan hech narsa qolmaydi
AQSH sobiq prezidenti yana bir marta Ukraina mojarosini 24 soat ichida to‘xtata olishini aytdi.
Agar harbiy harakatlar to‘xtamasa, Ukraina 1.5 yil ichida yo‘q bo‘ladi. Bu haqda AQSH sobiq prezidenti Donald Tramp maʼlum qildi.
Uning fikricha, inqiroz Amerikadagi prezidentlik saylovi (2024 yil)ga qadar hal etilmasligi mumkin. Siyosatchi amaldagi prezident Jozef Bayden siyosati Uchinchi Jahon urushiga olib kelishi mumkinligidan xavotir bildirgan.
“Agar mojaro hal etilmasa, men buni 24 soat ichida Zelenskiy va Putin ishtirokida amalga oshira olaman. Bu o‘ta oddiy muzokaralar bo‘lardi, ammo men ularning mazmunini ochiqlamayman, chunki, bu muzokaralardan foydalana olmayman, ular ishlamaydi”, – degan sobiq prezident.
Tramp urush tezda to‘xtatilmasa, Ukrainadan hech narsa qolmasligini taxmin qilgan.
