Surxondaryoda piyoz pishdi
Hozirda ular bozorga sotuvga chiqarilmoqda.
Surxondaryoning bir qator tumanlarida piyoz hosili pishib yetildi, deya xabar bermoqda «O‘zA» axborot agentligi.
Qayde etilishicha, 27 mart holatiga ko‘ra, viloyatning Qumqo‘rg‘on tumanidagi aholi xonadonlarida pishib yetilgan piyoz mahsulotlari yig‘ishtirib olinib, bozorlarga chiqarilgan.
Shuningdek, viloyatning Muzrabot, Sariosiyo tumanlarida istiqomat qiluvchi dehqonlar ham tomorqalarida yetishtirilgan piyoz mahsulotlarini isteʼmolchilarga yetkazib berishni boshlagan.
Umumiy maydoni 425 gektarni tashkil etuvchi aholi tomorqalarida yetishtirilgan piyoz hosili 10 ming tonnadan oshishi chamalangan.
