JARda sayyohlar fillar jangiga duch keldi
Jang yarim soat davom etgan.
JARdagi Kryuger milliy bog‘iga borgan sayyohlar noodatiy va dahshatli holatga guvoh bo‘ldi. Ularning baxtiga safari qilayotganlar shunchaki havaskorlar emas, balki bo‘lajak gidlar edi. Aks holda safar fojiali yakunlanishi mumkin edi.
Gap shundaki, tajribali yo‘l ko‘rsatuvchi Kristofer Shuman bo‘lajak hamkasblariga bog‘ni ko‘rsatayotganida ular fillar jangiga guvoh bo‘ldi. Ikkita nar filning jangi yarim soat davom etdi.
Kuzatuvchilar voqeaga aralashmay, uni xavfsiz masofadan kuzatib turdi. Jang natijasida faqatgina daraxtlar va yo‘lning o‘tish qismiga shikast yetgan.
