Surxondaryodagi metan “zapravka”da Damas yonib ketdi
Holat bo‘yicha FVB maʼlumot berdi.
Surxondaryo viloyatining Oltinsoy tumanida 1-aprel kuni Damas rusumli avtomashina yonib ketdi. Holat yuzasidan viloyat Favqulodda vaziyatlar boshqarmasi maʼlumot berdi.
Holat soat 20:27 da Oltinsoy tumani “Qoratepa” MFYdagi “Qoratepa metan gaz” MCHJga qarashli AGTKSH hududida yuz bergan. Shoxobchaga kelgan Damas avtomobili gaz to‘ldirish vaqtida gaz to‘ldirish shlangini uzmasdan o‘t oldirib harakatlantirgan va yong‘in sodir bo‘lgan. Yong‘indan avtomobilning orqa va salon qismi zararlangan.
FVB xodimlari voqea joyiga soat 20:32 da yetib borgan va yong‘in 20:41 da to‘liq o‘chirilgan. Hodisa oqibatida tan jarohati olganlar yo‘q.
