Finlyandiya bugun NATOga a'zo bo‘ladi
Bugundan Bryusselda Shimoliy Atlantika alyansining Tashqi ishlar vazirlarining ikki kunlik yig‘ilishi o‘z ishini boshlaydi.
Bugundan Bryusselda Shimoliy Atlantika alyansining Tashqi ishlar vazirlarining ikki kunlik yig‘ilishi o‘z ishini boshlaydi. Unda Finlyandiyaning NATOga qabul qilinishining rasmiy marosimi bo‘lib o‘tadi. Bu haqda “TASS” agentligi xabar berdi.
NATO Bosh kotibi Yens Stoltenberg taʼkidlaganidek, Alyansga aʼzo barcha Tashqi ishlar vazirlari Finlyandiyaning Tashkilotga qabul qilish protokollarining ratifikatsiya qilingan asl nusxalarini AQSH Davlat kotibi Entoni Blinkenga topshirishadi (Qo‘shma Shtatlar Tashkilotga tegishli hujjatlarning asl nusxalari saqlanadigan depozitariydir).
Shundan so‘ng Alyans qarorgohi oldidagi aʼzo-davlatlar bayroqlari ustuniga uning 31-aʼzosi — Finlyandiyaning bayrog‘i ko‘tariladi.
“Finlyandiyaning Tashkilotimizga qo‘shilishi uni yana-da xavfsiz va ittifoqimizni mustahkam qiladi. Bu voqea NATO tashkil qilingan 1949 yil 4 aprelda sodir bo‘ladi”, — deb qo‘shimcha qildi Bosh kotib.
Finlyandiya Shvetsiya bilan birga NATOga kirmoqchi edi, biroq Turkiya Qirollikning kirishiga qarshilik ko‘rsatishni davom ettirmoqda. Stokgolmning Anqaraga terrorizmda ayblangan kurd jangarilarini ekstraditsiya qilmayotgani bilan izohlanadi.
