Chiroqchidagi qishloqda yovvoyi ayiq yuribdi
Holat bo‘yicha vazirlik maʼlumot berdi.
Avvalroq Qashqadaryo viloyati Chiroqchi tumani Yashnobod mahallasi hududiga Qizil kitobga kiritilgan qo‘ng‘ir ayiq tushib kelgani xabar qilingandi. Holat yuzasidan Tabiat resurslari vazirligi rasmiy munosabat bildirdi.
Hozirda ushbu ayiq tumanning «Yashnabod» MFY Beshchashma hududidan oqib o‘tuvchi Qumdaryo daryosiga yaqin hududdagi jarlikda hosil bo‘lgan g‘or ichiga kirib olgan.
Ushbu hudud Tabiat resurslari vazirligi Qashqadaryo viloyat boshqarmasi va tuman hokimligi mutasaddilari, tuman ichki ishlar, Milliy gvardiya va Favqulodda vaziyatlar bo‘limlari xodimlari tomonidan muhofazaga olinib, aholi va qo‘ng‘ir ayiqning xavfsizligi taʼminlanmoqda.
Mazkur hududga vaziyatni bartaraf etish maqsadida Toshkent hayvonot bog‘i mutaxassislaridan iborat guruh jalb qilingan.
Takidlanishicha, ayiq bilan bog‘liq vaziyatda hech kimga zarar yetmagan.
