Qashqadaryoda 13 yoshli qizni zo‘rlagan erkak qamoqqa olingan — Oliy sud
Ertaga uning ishi yopiq sudda ko‘rib chiqiladi.
Ijtimoiy tarmoqda Qashqadaryo viloyatining Chiroqchi tumanida 13 yoshli qiz 51 yoshli erkak tomonidan zo‘rlangani haqida xabarlar tarqalmoqda. Holat yuzasidan Oliy sud matbuot kotibi Aziz Abidov rasmiy axborot berdi.
Qayd etilishicha, mazkur jinoyat 1971 yilda Qashqadaryo viloyatida tug‘ilgan K.T tomonidan sodir etilgan. Unga nisbatan qamoqqa olish tarzidagi ehtiyot chorasi qo‘llanib, Jinoyat kodeksining 129-moddasi (o‘n olti yoshga to‘lmagan shaxsga nisbatan uyatsiz-buzuq harakatlar qilish) 2-qismi va 118-moddasi (nomusga tegish) 3-qismi “a” bandi bilan jinoyat ishi qo‘zg‘atilgan.
Ayblanuvchiga oid jinoyat ishi JIB Chiroqchi tuman sudida 7 aprel kuni ko‘rib chiqiladi.
Jinoyat-protsessual kodeksining 19-moddasi (sudda jinoyat ishlarining oshkora ko‘rilishi) talablariga muvofiq mazkur jinoyat ishi yopiq sud majlisida ko‘rib chiqilishi maʼlum qilingan.
