Ukrainada onlayn moliyaviy piramida fosh etildi
Firibgarlar guruhi 2017-yildan buyon, asosan, Rossiya va Ukraina hududida faoliyat olib borgan.
Kiyevda huquqni muhofaza qiluvchi organlar tomonidan o‘tkazilgan tezkor operatsiya davomida, pul aylanmasi 40 million AQSH dollardan ortiq bo‘lgan onlayn moliyaviy piramida tashkilotchilaridan biri qo‘lga olindi.
Firibgarlar yetakchi texnologik kompaniyalar aksiyalarini sotib olish va sotish orqali qisqa vaqt ichida katta miqdordagi pullarga ega bo‘lishni taklif qilib jabrlanuvchilar sonini orttirib borishgan.
Shuningdek, loyihaga yangi investorlarni jalb qilgan mijozlarga alohida “bonusli” pul jamg‘armalari taqdim etgan.
Firibgarlar guruhi 2017 yildan buyon asosan Rossiya va Ukraina davlatlari hududida faoliyat olib borgan.
Tezkor operatsiya mobaynida 55 yoshli Rossiya fuqarosi qo‘lga olingan bo‘lib, uning telefon qurilmasida soxta reklama roliklari va boshqa guruh aʼzolari bilan yozishmalar aniqlangan.
