Chiroqchida ayiqning o‘ldirilgani bo‘yicha jinoyat ishi ochildi
Holat bo‘yicha BP maʼlumot berdi.
Avvalroq Qashqadaryo viloyatining Chiroqchi tumanidagi qishloqlardan birida ayiq paydo bo‘lgani, u mahalliy aholi uylarida yurgani hamda maktabga ham kirishga uringani xabar qilingandi. Oradan bir kun o‘tib mazkur ayiq otib o‘ldirilgandi.
Bosh prokuratura matbuot kotibining maʼlum qiliishicha, Qizil kitobga kiritilgan Tyanshan qo‘ng‘ir ayig‘i otib o‘ldirilganligi holati yuzasidan Jinoyat kodeksining 202-moddasi (Hayvonot yoki o‘simlik dunyosidan foydalanish tartibini buzish) 3-qismi “J” bandi bilan jinoyat ishi qo‘zg‘atilgan.
Hozirda tergov harakatlari olib borilmoqda.
