Namanganda Lacetti YTHga uchrab, ag‘darilib ketdi
Hodisaga yuqori tezlikda harakatlanish sabab bo‘lgan.
Namanagan viloyatining Davlatobod tumanida ikkita yengil avtomashina ishtirokida yo‘l-transport hodisasi sodir bo‘ldi. Holat yuzasidan viloyat IIB YHXB maʼlumot berdi.
Qayd etilishicha, Davlatobod tumanining I. Karimov ko‘chasidan To‘raqo‘rg‘on yo‘nalishiga yuqori tezlikda harakatlanib ketayotgan Lacetti haydovchisi harakat xavfsizligini taʼminlay olmay, chorrahada svetoforning qizil ishorasida to‘xtab turgan Cobalt avtomashinasining orqa qismiga urilgan. To‘qnashuv sababli Lacetti ag‘darilib ketgan.
Hodisa oqibatida har ikkala avtomashina texnik shikastlangan, jabrlanganlar yo‘q.
