Pentagon Misrning yashirin rejasidan xabar topdi
Misr yashirincha Rossiya uchun 40 ming raketa ishlab chiqarish va yetkazib berishni rejalashtirgan.
Prezident Abdulfattoh as-Sisi fevral oyida rasmiylarga “G‘arb bilan muammoga duch kelmaslik” uchun yukni yashirin ravishda amalga oshirishni buyurgan edi, deb xabar beradi "The Washington Post" gazetasi.
Nashrga ko'ra, artilleriya snaryadlari va porox yetkazib berish imkoniyatlari ham muhokama qilingan.
Uning jurnalistlari Pentagondan sizib chiqqan ma'lumotlarni tahlil qilishda davom etmoqda.
Hujjatlarda Sisining Misrning yuqori martabali harbiy ofitserlari va Mudofaa ishlab chiqarish vaziri bilan boʻlgan suhbatlari haqida maʼlumotlar bor. U zavod ishchilariga snaryadlar Misr armiyasi uchun mo‘ljallanganligi haqida xabar berishni buyurdi. Hujjatda Mudofaa vaziri Saloh ad-Dinning “...kerak boʻlsa, oʻz xalqiga smenada ishlashga buyruq bergani" qayd etilgan.
Uning so‘zlariga ko‘ra, ruslar “hamma narsani sotib olishga” tayyor ekanliklarini aytishgan.
Xususan, ruslarga Rossiyaning Grad MLRS bilan mos keladigan Sakr 45 raketalari topshirilishi kerak edi.
