4 yil avval bedarak yo‘qolgan hamyurtimiz Qozog‘istondan topildi
U qo‘shni respublika hududiga 2017 yilda ish yuzasidan borgan. 2019 yildan beri esa qarindoshlari bilan aloqani uzgan.
Qozog‘istonning Atirau viloyatida to‘rt yil avval bedarak yo‘qolgan o‘zbekistonlik topildi. U Qozog‘istonga 2017 yilda kelgan va 2019 yildan beri bedarak yo‘qolganlar qatorida bo‘lgan. Bu haqda Kazinfom xabar berdi.
Atirau viloyati ichki ishlar boshqarmasi matbuot xizmati xabariga ko‘ra, “Migrant” tadbiri davomida mamlakatning migratsiya qonunchiligini buzgan xorijliklar aniqlangan.
“Migrant” tezkor-profilaktika tadbiri davomida Atirau shahar IIB Migratsiya xizmati bo‘limi xodimlari tomonidan 2019 yildan buyon qidiruvda bo‘lgan 1975 yilda tug‘ilgan O‘zbekiston Respublikasi fuqarosi aniqlandi. Xorijlik Qozog‘iston hududiga 2017 yilda ish yuzasidan kelgan. 2019 yildan beri u Nukusdagi qarindoshlari bilan aloqani uzgan. Shu sababli uning qarindoshlari Nukus shahar ichki ishlar bo‘limiga murojaat qilishgan. Shu tariqa fuqaro o‘z mamlakatida bedarak yo‘qolganlar ro‘yxatiga kiritilgan», — deyiladi boshqarma matbuot xizmati xabarida.
Hozir politsiya xodimlari 48 yoshli xorijlikning kimligini aniqlash va uni o‘z mamlakatiga qaytarish uchun tegishli hujjatlar ro‘yxatini yig‘ishmoqda. O‘zbekiston Respublikasi fuqarosi PB qarashli qabul qilish va tarqatish bo‘limiga joylashtirildi.
