Qoraqalpoq davlat universitetida turizm laboratoriyasi ochildi
Laboratoriya GIZ hamkorligida tashkil etilgan.
Berdaq nomidagi Qoraqalpoq davlat universitetining Iqtisodiyot fakultetida Germaniya xalqaro hamkorlik tashkiloti (GIZ) bilan birgalikda turizm yo‘nalishida taʼlim olayotgan talaba yoshlarning nazariy bilim va ko‘nikmalarini amaliyotda yana-da mustahkamlash maqsadida Turizm laboratoriyasi ochildi.
Universitetda 2018/2019-o‘quv yilida Turizm bakalavr taʼlim yo‘nalishi, 2022/2023-o‘quv yilidan eʼtiboran magistratura mutaxassisligining tashkil etilgandi.
Turizm laboratoriyasi mehmonlarni qabul qilish, mehmonxona faoliyati, umumiy ovqatlanish va boshqa amaliy mashg‘ulotlarga mo‘ljallangan. Laboratoriyaning asosiy maqsadi sohada taʼlim sifatini yana-da jadallashtirish, bitiruvchi kadrlar amaliy ko‘nikmalarini oshirish, raqobatbardosh kadrlarni tayyorlash, shu bilan birga xususiy sektor vakillari bilan universitet o‘rtasida yaqin hamkorlik o‘rnatishdan iborat.
