Bayden Si Szinpinga sim qoqmoqchi
Bu haqda Oq uy matbuot kotibi jurnalistlar bilan navbatdagi brifingda maʼlum qildi.
AQSH Prezidenti Jo Bayden Xitoy rahbari Si Szinpin bilan telefon orqali suhbatlashmoqchi. Biroq hozircha aniq rejalar haqida maʼlumot yo‘q. Bu haqda Oq uy matbuot kotibi Karin Jan-Pyer jurnalistlar bilan navbatdagi brifingda maʼlum qildi.
“Qo‘shma Shtatlar bir necha bor Xitoy Raisi Si Szinpinga qo‘ng‘iroq qilish niyatini yetkazgan. Hozircha qo‘ng‘iroq haqida aniqlik yo‘q. Avval aytib o‘tganimizdek, biz Xitoy bilan aloqa kanallarini ochiq qolishini muhim, deb hisoblaymiz. Garchi biz XXR bilan strategik raqobat haqida gapirayotgan bo‘lsak ham. Xitoy bilan ikki tomonlama munosabatlar muhim va bu o‘zgarmaydi”, — deb qo‘shimcha qildi Jan-Pyer.
AQSH maʼmuriyati so‘nggi haftalarda Bayden Si Szinpin bilan telefon orqali muloqot qilish istagini aniq aytib kelmoqda. Mart oyida “Reuters” agentligi xabar berganidek, Pekin muzokaralarni o‘tkazishdan manfaatdor emas, bunga qisman Vashingtonning Tayvanga nisbatan harakatlari sabab bo‘lmoqda.
