TATU Farg‘ona filialida yong‘in chiqdi
Holat bo‘yicha viloyat FVB maʼlumot berdi.
Ijtimoiy tarmoqlarda Toshkent axborot texnologiyalari universitetining Farg‘ona filialida archa daraxti yonib ketgani, bunga esa tamaki tutuni sabab bo‘lgani aytilgan video tarqaldi. Holat yuzasidan viloyat Favqulodda vaziyatlar boshqarmasi maʼlumot berdi.
Qayd etilishicha, hodisa bugun, 28 aprel kuni soat 15:00 da mazkur universitet hududida sodir bo‘lgan. Una bir dona qurigan archa daraxti yonib ketgan.
Yong‘in talabalar tomonidan bartaraf etilgan. Voqea joyiga yong‘in o‘chirish ekipaji jalb etilmagan. Hodisa oqibatida kuygan yoki tan jarohati olganlar yo‘q.
