Denovda Cobalt va Lacetti YTHga uchradi
Oqibatda haydovchilarning ikkalasi ham vafot etgani aytildi.
Bugun, 30-aprel kuni Surxondaryo viloyatining Denov shahrida ikkita avtomashina ishtirokida yo‘l-transport hodisasi sodir bo‘ldi. Voqea yuzasidan viloyat IIB YHXB maʼlumot berdi.
Hodisa Denov shahri “Jomiy” mahallasi hududidan o‘tuvchi 4R-108 avtomobil yo‘lining 4-kilometrida, Sariosiyo–Denov yo‘nalishida yuz bergan. 2001 yilda tug‘ilgan fuqaro Cobalt avtomashinasida o‘zidan oldinda ketayotgan Moskvich va Lacetti‘ni noto‘g‘ri quvib o‘tishi jarayonida 24 yoshli fuqaro boshqaruvidagi Lacetti rusumli transport vositasi bilan to‘qnashgan.
YTH oqibatida ikkala avtomashina haydovchilari olgan tan jarohati sababli Denov shahar shoshilinch tibbiy yordam bo‘limiga yotqizilgan. Yo‘l transport hodisasi oqibatida vafot etganlar yo‘q.
