Xorazmda 17 yoshli qiz o‘zini osib qo‘ydi
Holat bo‘yicha prokuratura maʼlumot berdi.
Xorazm viloyatining Qo‘shko‘pir tumanida 17 yoshli qiz o‘z joniga qasd qildi. Bu haqda viloyat prokuraturasi xabar bermoqda.
Bugun, 6 may kuni soat 12:50 larda Qo‘shko‘pir tuman IIB navbatchilik qismiga fuqaro Ch.Q.ning o‘z joniga qasd qilib, vafot etganligi haqida xabar kelib tushgan. Hodisa joyi tuman prokurori B.A.Matrasulov rahbarligidagi tergov-tezkor guruhi va sud tibbiy ekspertlari ishtirokida ko‘zdan kechirilgan.
Maʼlum qilinishicha, 2005 yilda tug‘ilgan fuqaro Ch.Q. Qo‘shko‘pir tumani “Xadra” qishlog‘i “Nezaxos” mahallasida yashagan. Hozirda uning o‘lim sababini aniqlash yuzasidan sud-tibbiy ekspertizasi tayinlangan.
Shuningdek, holat yuzasidan Qo‘shko‘pir tumani prokuraturasi tomonidan tergovga qadar tekshiruv harakatlari olib borilmoqda. Tekshiruv harakatlari Xorazm viloyat prokuraturasi tomonidan nazoratga olingan.
