O‘zbekistonda yashovchi 2-jahon urushi qatnashchilari nechta?
Mudofaa vazirligi bu bo‘yicha statistika eʼlon qildi.
6-may holatiga ko‘ra, O‘zbekiston Respublikasida istiqomat qiluvchi Ikkinchi jahon urushi va front orti qatnashchilarining soni 174 nafarni tashkil etadi. Bu haqda Mudofaa vazirligi infografika eʼlon qildi.
Shundan viloyatlar kesimida quyidagicha:
Qoraqalpog‘iston Respublikasida — 3 nafar;
Namangan viloyatida — 3 nafar;
Sirdaryo viloyatida — 3 nafar;
Xorazm viloyatida — 5 nafar;
Jizzax viloyatida — 6 nafar;
Andijon viloyatida — 6 nafar;
Buxoro viloyatida — 7 nafar;
Surxondaryo viloyatida — 8 nafar;
Navoiy viloyatida — 9 nafar;
Qashqadaryo viloyatida — 10 nafar;
Samarqand viloyatida — 10 nafar;
Farg‘ona viloyatida — 19 nafar;
Toshkent viloyatida — 26 nafar;
Toshkent shahrida — 55 nafar.
Ular orasida 100 va 100 yoshdan oshganlari 25 nafarni tashkil etadi. Ularning umumiy hisobda eng kichigi 78 yoshda, eng kattasi 112 yoshda.
Eslatib o‘tamiz, Prezident farmoni bilan Ikkinchi jahon urushi va front orti qatnashchilarining har biriga 18 mln so‘m bir martalik mukofot puli beriladi.
