0
Yelkasiga bayroq ilib, javobgarlikka tortilgan yigit jarimadan ozod qilindi
Holat bo‘yicha BP rasmiy bayonot berdi.
Avvalroq Qashqadaryo viloyatining Qamashi tumanida yelkasiga davlat bayrog‘i tushirilgan tasma taqqan yigit maʼmuriy javobgarlikka tortilib, unga nisbatan jarima jazosi tayinlangani xabar qilingandi. Holatga Bosh prokuratura rasmiy munosabat bildirdi.
Qayd etilishicha, 5 may kuni Qamashi tumanida O‘zbekiston Respublikasining Davlat bayrog‘i rangidagi tasmani taqib yurgan yigitga nisbatan maʼmuriy huquqbuzarlik to‘g‘risida ish qo‘zg‘atish haqida qaror qabul qilingan.
“Bosh prokuratura aralashuvi bilan yigitga nisbatan qo‘llanilgan ushbu noqonuniy qaror bekor qilinishi taʼminlandi”, — deyiladi xabarda.
