"Dushman yo‘q dema, u jardan narida" — Toqayev
Qozog‘iston prezidenti harbiy xizmatchilarni Vatan himoyachilari kuni bilan tabrikladi.
Qozog‘iston prezidenti Qosim-Jomart Toqayev yakshanba kuni harbiy xizmatchilarni Vatan himoyachilari kuni bilan tabrikladi.
Toqayev tabrigida mudofaa qobiliyatini doimiy ravishda oshirish Qozog‘istonning strategik vazifalaridan biri ekanini alohida taʼkidladi.
"Mudofaa qobiliyatini doimiy ravishda oshirish davlatning strategik vazifalaridan biridir. Qozog‘iston armiyasi vatanni qatʼiyat bilan himoya qilishga har daqiqada tayyor bo‘lishi kerak. Qurolli kuchlar mamlakat suvereniteti va yaxlitligining ishonchli kafolati, davlatning mustahkam tayanchi, xalqning hamjihatligi va ertangi kunga ishonch qo‘rg‘oni vazifasini bajaradi", — deyiladi tabrikda.
Toqayevning so‘zlariga ko‘ra, hozirda harbiylar "o‘z vatanlari osoyishtaligini qo‘riqlab, ota-bobolarining anʼanalarini davom ettirmoqda".
“Ularning olijanob xizmati navqiron avlod uchun ilhomlantiruvchi ibratdir. Barcha askar va ofitserlarga qasamyodga sodiqligi, xizmat burchini sidqidildan ado etgani uchun minnatdorchilik bildiraman. Mard armiyamiz qudrati mustahkam, davlatimiz poydevori doimo mustahkam bo‘lsin!..
Biz barcha masalalarni BMT Nizomiga muvofiq xalqaro huquq doirasida hal qilish kerak, deb hisoblaymiz. Biroq, zamon har kuni o‘zgarib bormoqda. Davlatlar o‘z manfaatlarini himoya qilish uchun ko‘pincha kuch ishlatgan. Dunyoda ommaviy qurollanish avj olgan. «Dushman yo‘q dema, u jardan narida» degan naql bor. «Hozirgi og‘ir davrda armiyaning ahamiyati oshdi», — degan Qozog‘iston prezidenti.
