Bayden G7 sammitida ishtirok etolmasligi mumkin
Bu AQSHdagi jiddiy moliyaviy vaziyat bilan bog‘liq.
AQSH prezidenti Jo Bayden federal hukumat tomonidan defoltning oldini olish bo‘yicha Kongress bilan muzokaralarda muvaffaqiyatga erishmasa, Yaponiyadagi G7 sammitida qatnashish rejalasini bekor qilinishini aytdi.
Bayden Oq uyda Palata spikeri Kevin Makkarti va boshqa kongress rahbarlari bilan uchrashganidan so‘ng, davlat qarzining chegarasi bo‘yicha davom etayotgan muzokaralar jiddiyligini taʼkidlab, 19 maydan boshlab Xirosimada bo‘lib o‘tadigan G7 sammitida ishtirok etish uchun safarni bekor qilishini qo‘shimcha qildi.
AQSH moliya vaziri Janet Yellenning aytishicha, agar Kongress 31,4 trillion dollarlik chegarani ko‘tarish yoki to‘xtatib qo‘yish bo‘yicha zarur choralarni ko‘rmasa, hukumat 1 iyundayoq pulsiz qolishi mumkin.
Bayden defoltning oldini olish mumkinligiga ishonchi komil ekanini aytdi. 12 may kuni AQSH prezidenti Kongress yetakchilari bilan navbatdagi muzokaralar o‘tkazadi.
