Rossiyada ulkan o‘rmonlar yonmoqda, 21 kishi qurbon bo‘ldi
Shifokorlarning aytishicha, qurbonlar soni yana ortishi mumkin.
Rossiyaning Kurgan viloyatidagi yong‘in qurbonlari soni 21 kishiga yetdi. Bu haqda shifokorlar maʼlumotiga asoslanib, TASS xabar bermoqda.
Avvalroq 19 kishi halok bo‘lgani haqida xabar berilgan.
Shifokorlarning aytishicha, qurbonlar soni ortishi mumkin.
Taʼkidlash kerakki, o‘tgan haftada Ural hududida o‘rmon yong‘inlari bilan bog‘liq vaziyat keskinlashdi. 8 may kuni Sverdlovsk viloyatida 65 ta, Kurgan viloyatida 13 ta yirik yong‘in sodir bo‘ldi. Oqibatda aholi punktlarida yuzlab binolar yonib ketdi, odamlar halok bo‘ldi va yaralandi.
Rossiya Favqulodda vaziyatlar vazirligi rahbari Aleksandr Kurenkov o‘t o‘chiruvchilar Uraldagi tabiiy yong‘inlarni 9 may kuni tungacha bartaraf etishga vaʼda bergandi.
