Yevroittifoq Rossiyaga qarshi yangi sanksiyalar muhokamasini boshladi
Aʼzo davlatlar o‘rtasidagi turli fikrlar va qarashlar tufayli muhokama uzoq davom etishi mumkin.
Yevropa Ittifoqiga aʼzo davlatlar 10 may kuni Rossiyaga qarshi yangi sanksiyalarning birinchi muhokamasini boshladi. Biroq muzokaralar cho‘zilib ketishi mumkin, deb yozadi “Reuters”.
Baʼzi davlatlar sanksiyalarni juda yumshoq deb hisoblasa, boshqalari esa xalqaro aloqalariga putur yetkazishdan qo‘rqishadi. Bir qator diplomatlar taʼkidlaganidek, keng ko‘lamli turlicha qarashlar yaqin orada kelishuv kutilmasligini bildiradi.
Yevrokomissiya rahbari Ursula fon der Leyen 9 may kuni Kiyevda yangi sanksiyalar Rossiyaning mavjud savdo cheklovlarini chetlab o‘tishni to‘xtatishga qaratilganini va G7 davlatlari bilan yaqin hamkorlikda ishlab chiqilganini aytdi.
“Agar biz tovarlar Yevropa Ittifoqidan uchinchi davlatlarga chiqib ketib, keyin Rossiyaga kirayotganini ko‘rsak, bunga chora ko‘rishimiz kerak", — deydi Yevrokomissiya rahbari.
