0
"UzAuto Motors" narxlar oshishiga rasmiy munosabat bildirdi
Kompaniya “Cobalt” va “Lacetti” narxlari oshishi haqidagi xabarlar yolg‘on ekanini tasdiqladi.
Ijtimoiy tarmoqlarda 1 iyundan boshlab “Damas”, “Labo”, “Cobalt” va “Lacetti” avtomobillarining yangilangan versiyasini taqdim qilishi, “Cobalt” va “Lacetti” narxlari esa 20-23 ming dollardan boshlanishi haqida xabarlar tarqaldi.
"UzAuto Motors" ushbu xabarlarga rasmiy munosabat bildirib, bu bo‘yicha hech qanday maʼlumot taqdim qilmaganini qayd etdi.
"Ushbu maʼlumotlar hech qanday asosga ega emas va yolg‘onligini taʼkidlab o‘tish kerak. Kompaniya va mahsulotlar narxi haqida rasmiy sahifalarimiz orqali bilib olishingiz mumkin", — deyiladi munosabatda.
