AQSHning Montana shtatida TikTok butunlay taqiqlandi
Bunga Xitoy Kommunistik partiyasidan xavotir sabab bo‘ldi.
Montana AQSHning TikTok ilovasidan foydalanishni taqiqlagan birinchi shtatiga aylanadi. Gubernator Greg Janforte chorshanba kuni taqiqni imzoladi.
Video almashish platformasi allaqachon bu taqiq «AQSH Konstitutsiyasining birinchi tuzatishiga ko‘ra Montana aholisining huquqlarini buzayotganini» aytdi. TikTok bayonotida aytilishicha, ilova Montana shtatida «yuz minglab odamlar» tomonidan foydalanilyapti.
"Biz Montana aholisini ular o‘zlarini ifoda etish, tirikchilik qilish va hamjamiyat topish uchun TikTok‘dan foydalanishda davom etishlari mumkinligiga ishontirmoqchimiz, chunki biz Montana ichida va tashqarisida foydalanuvchilarimiz huquqlarini himoya qilishda davom etamiz", — deyiladi xabarda.
TikTok'ning sud orqali Montana hukumati qaroriga eʼtiroz bildirishi kutilyapti.
Aholisi 1 milliondan sal ko‘proq bo‘lgan Montana o‘tgan yil dekabr oyida hukumat qurilmalarida mazkur ilovani taqiqlagan edi.
TikTok butun dunyo bo‘ylab maʼlumotlarning Xitoy hukumati bilan bo‘lishishi mumkinligidan xavotirda bo‘lgan rasmiylar tomonidan tekshirildi.
TikTok Xitoyning ByteDance kompaniyasiga tegishli. TikTok ijrochi direktori Shou Zi Chu bir necha bor amerikaliklarga nisbatan josuslik qilmasligini aytdi, garchi xodimlar ular haqida maʼlumot olish uchun jurnalistlarning TikTok akkauntlaridan foydalanganliklarini tan olgan bo‘lsada.
Mart oyi boshida AQSH hukumati ByteDance TikTok‘ni sotishi kerak, aks holda mamlakatda taqiqlanishi mumkinligini aytgandi.
