Qarshida sobiq MIB xodimi pichoqlab ketildi
Holat bo‘yicha prokuratura maʼlumot berdi.
Qashqadaryo viloyatining Qarshi shahrida 26-aprel kuni sobiq MIB xodimi va bir nafar ayol pichoqlab ketildi. Bu haqda viloyat prokuraturasi xabar bermoqda.
Qarshi shahrida yashovchi fuqaro X.B. tanish ayolning uyiga borganida u yerda tanishi O.T. (sobiq MIB xodimi)ni ko‘rib, janjallashgan hamda oshxonadan pichoqni olib kelib, ularga turli darajadagi tan jarohatlari yetkazgan. Oqibatda jabrlanuvchilar shifoxonaga tushgan.
Aniqlanishicha, X.B. yuqoridagi ayol bilan qonuniy nikohdan o‘tmagan holda doimiy ravishda jismoniy va ruhiy tazyiq o‘tkazib, uni qiynab kelgan.
Mazkur holat yuzasidan Qarshi shahar prokuraturasi tomonidan 1 may kuni X.B.ga nisbatan JKning 109, 110 va 112-moddalar bilan jinoyat ishi qo‘zg‘atilib, dastlabki tergov harakatlarini olib borilmoqda.
