Andijonda uchta mashina YTHga uchradi
Hodisa tezlik meʼyorlarining buzilishi sabab yuz bergan.
Bugun, 21-may kuni Andijon viloyati Qo‘rg‘ontepa tumanida uchta avtomashina ishtirokida yo‘l-ransport hodisasi sodir bo‘ldi. Holat yuzasidan viloyat IIB YHXB maʼlumot berdi.
Holat soat 06:00 larda Qo‘rg‘ontepa tumani “Qo‘tqar” MFY xududida yuz bergan. 1995 yilda tug‘ilgan M.X.ga tegishli Jiguli–0111 rusumli avtomashinasi, 1996 yilda tug‘ilgan A.O.ga tegishli Spark xamda 1976 yilda tug‘ilgan M.R.ga tegishli Niva–2121 rusumli avtomashinalar haydovchilari tezlik meʼyorlariga va oraliq masofani saqlash qoidalariga amal qilmasdan boshqaruvni yo‘qotishgan va bir-birlari bilan to‘qnashgan.
YTH oqibatida transport vositalari texnik shikastlangan, tan jarohati olganlar yo‘q.
Mazkur holat yuzasidan Qo‘rg‘ontepa tumani IIB JXX YHXG xodimlari tomonidan tergovga qadar tekshiruv olib borilmoqda.
