“Qanot Sharq” Samarqanddan Istanbulga parvozlarni boshlamoqda
Aviareyslar haftada 3 marta amalga oshiriladi.
Joriy yilning 1-iyun kuni "Qanot Sharq" xususiy aviakompaniyasi Samarqanddan Turkiyaning eng yirik shaharlaridan biri bo‘lgan Istanbulga to‘g‘ridan-to‘g‘ri muntazam qatnovlarni amalga oshira boshlaydi. Bu haqda Transport vazirligi xabar berdi.
Ushbu yo‘nalishda reyslar haftada uch marta seshanba, payshanba va shanba kunlari bajariladi. Samarqanddan uchish vaqti mahalliy vaqt bilan soat 7:00 ga belgilangan. Chiptalarni hamda qo‘shimcha xizmatlarni Samarqand xalqaro aeroporti kassalarida rasmiylashtirish mumkin.
