0
Buxoroda imtihonsiz “prava” olib bermoqchi bo‘lgan shaxs ushlandi
U buning uchun fuqarodan 300 AQSH dollari talab qilgan.
Buxoro tumanida haydovchilik guvohnomasi olib berishni vaʼda qilgan korxona rahbari ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda.
Qayd etilishicha, “A.V.” NTM shoʻba korxonasi rahbari M.A. fuqaro M.T.ga haydovchilik guvohnomasini olish uchun o‘tkaziladigan imtihondan vakolatli tanishlari orqali o‘tkazib qo‘yish evaziga 300 AQSH dollarini olgan vaqtida ashyoviy dalillar bilan qo‘lga tushgan.
Mazkur holat yuzasidan Jinoyat kodeksining 25, 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
