Buxoroda daraxt kesilishi ortidan masjid imomi jazolandi
Maʼlum bo‘lishicha, masjidda salkam 10 ta daraxt kesib tashlangan.
Ijtimoiy tarmoqlarda Buxoroda viloyatidagi qurilishi boshlanayotgan maydonda bir qancha daraxtlarning kesilgani aks etgan suratlar tarqaldi.
Maʼlum qilinishicha, Buxoro shahridagi “Pridastgir” jomeʼ masjidi hududida tahoratxona qurilishi ishlari olib borilayotganligi tufayli daraxtlar kesilgan. Bunda qurilish ostiga tushgan yer maydonidan 8 dona mevali hamda 1 dona manzarali daraxtlar o‘zboshimchalik bilan kesilganligi aniqlangan.
Ushbu holat yuzasidan masjidning masʼul xodimiga nisbatan O‘zbekiston Respublikasi MJtKning 79-moddasi, 1-qismi bilan bayonnoma rasmiylashtirilib, 1 650 000 so‘m jarima hamda tabiatga yetkazilgan zarar 8 580 000 so‘m hisoblangan.
Kesilgan daraxtlar o‘rniga iqlim sharoitiga mos manzarali daraxt ko‘chatlarini ekish va parvarish qilish bo‘yicha masjid bosh imomiga majburiyat yuklangan.
