“Chelsi” Tiago Silvani mavsumning eng yaxshi futbolchisi deb topdi
Futbolchi yaqinda shartnomasini uzaytirgandi.
“Chelsi” himoyachi Tiago Silvani jamoaning 2022/2023 yilgi mavsumdagi eng yaxshi futbolchisi deb topildi. Bu haqda klub rasmiy sayti xabar berdi.
Joriy mavsumda braziliyalik himoyachi “Chelsi” safida barcha musobaqalarda 35 ta o‘yinda maydonga tushib, 2 ta golli uzatmani amalga oshirdi. Transfermarkt internet portaliga ko‘ra, futbolchining taxminiy narxi 2,5 million yevroni tashkil qiladi.
Fevral oyida 38 yoshli futbolchi “ko‘klar” bilan shartnomasini 2023/2024 yilgi mavsum oxirigacha uzaytirdi. Biroq, Tiago Silva o‘z intervyusida futbolchilik faoliyatini “Fluminense” klubida yakunlamoqchi ekanligini aytdi.
