Endi O‘zbekiston bayrog‘ini uyga osib qo‘yish mumkin bo‘ladi
Bu bo‘yicha Prezident parlamentga taklif kiritdi.
O‘zLiDePning bugungi qurultoyida partiyadan nomzodi ko‘rsatilgan Shavkat Mirziyoyev, jumladan, O‘zbekiston bayrog‘idan erkin foydalanish zarurati to‘g‘risida ham to‘xtaldi.
Amaldagi prezident davlat bayrog‘idan faqat bayram va marosimlarda yoki sport musobaqalarida ko‘tarishda foydalanilayotgani, endilikda esa uning har bir xonadonda hilpirab turishiga ruxsat beruvchi hujjatni qabul qilish vaqti yetganini taʼkidlagan.
“Parlamentdagi deputat va senatorlardan bu boradagi hujjat loyihasini qabul qilishda bugungi hayotiy zaruratni ham eʼtiborga olishlarini so‘rar edim”, – deydi Shavkat Mirziyoyev.
