Yangi uy-joy sotib olgan aholiga QQSning yarmi qaytariladi
Yillik avtomobil ishlab chiqarish hajmi 1 mln donaga yetkaziladi.
O‘zbekistonda yangi 4 ta nufuzli xorijiy kompaniyaning loyihalari ishga tushirilib, avtomobilsozlik sohasida haqiqiy raqobat paydo bo‘ladi. Bu haqda prezidentlikka nomzod Shavkat Mirziyoyev ma’lum qildi.
O‘zbekiston prezidentligiga nomzod Shavkat Mirziyoyevning ta’kidlashicha, respublikada 4 ta nufuzli xorijiy kompaniyaning loyihalari ishga tushirilib, avtomobilsozlik sohasida haqiqiy raqobat paydo bo‘ladi va ishlab chiqarish hajmi yillik 1 million donaga yetkaziladi. Hozirda ushbu ko‘rsatkich 350 mingtani tashkil etadi.
Qayd etilishicha, bunda, yiliga 300 mingta elektromobil ishlab chiqariladi. Shuningdek, Toshkent – Samarqand, Navoiy – Buxoro yo‘nalishlarida qo‘shimcha tezyurar temir yo‘llari quriladi hamda temir yo‘l sohasiga xususiy sektor jalb qilinib, xizmatlar sifati raqobatbardosh narxlar asosida belgilanadi. 2030 yilga qadar tuman markazlaridan har bir qishloqqacha – jami 5,5 ming kilometr syement-beton yo‘llar quriladi va jamoat transporti bilan to‘liq qamrab olinadi.
Bundan tashqari, Toshkent – Samarqand va Toshkent – Farg‘ona vodiysi yo‘nalishlarida xususiy sheriklik asosida yangi avtomobil yo‘llari qurilishiri rejalashtirilgan. Shavkat Mirziyoyevning ta’kidlashicha, 2024 yildan boshlab, yangi uy-joy sotib olgan aholiga, qo‘shilgan qiymat solig‘ining yarmi qaytarib beriladi.
