Bayden yana yiqilib tushdi — video
Oq Uyning jamoatchilik bilan aloqalar bo‘limi boshlig‘i keksa siyosatchining ahvoli haqida maʼlumot berdi.
AQSH prezidenti Jo Bayden 1-iyun kuni Kolorado shtatida harbiy havo kuchlari akademiyalari bitiruvchilariga diplomlarni topshirish marosimidagi ishtiroki vaqtida yiqilib tushdi.
Bayden sahnaga chiqayotganida qoqilib ketgan. 80 yoshli siyosatchining o‘rnidan turishiga tansoqchilari yordamlashgan.
Oq Uyning jamoatchilik bilan aloqalar bo‘limi boshlig‘i Ben Labolt Twitter sahifasida prezident qum to‘ldirilgan qopga qoqilib yiqilganini yozdi va hozirda «uning ahvoli yaxshi» ekanini qayd etdi.
Eslatib o‘tamiz, AQSH tarixidagi eng keksa prezident avval ham bir necha bor yiqilib tushgandi.
