Shavkat Mirziyoyev Qirg‘izistonga jo‘nab ketdi
Dalat rahbarining kun tartibida «Markaziy Osiyo – Yevropa Ittifoqi» sammitida ishtirok etish va ikki tomonlama uchrashuvlar o‘tkazish o‘rin olgan.
Shavkat Mirziyoyev «Markaziy Osiyo – Yevropa Ittifoqi» formatidagi ikkinchi sammitida ishtirok etish uchun Qirg‘izistonga jo‘nab ketdi. Bu haqda Prezident matbuot xizmati xabar berdi.
Tadbirda mintaqa davlatlarining rahbarlari va Yevropa Kengashi Prezidenti Sharl Mishel ishtirok etishi ko‘zda tutilgan.
Kun tartibidan Markaziy Osiyo mamlakatlarining Yevroittifoq bilan konstruktiv muloqotini yana-da rivojlantirish va amaliy hamkorligini kengaytirish masalalari o‘rin olgan. Bundan tashqari, sammit doirasida qator ikki tomonlama uchrashuvlar o‘tkazilishi ham rejalashtirilgan.
