Bitta ko‘prik ikkinchi marta quladi
Gang daryosi ustidan qurilayotgan ko‘prik loyihasiga 208 million dollar sarflangan.
Times of India xabariga ko‘ra, Gang daryosi ustidan qurilayotgan ko‘prik qulab tushdi.
«Aguvani-Sultangandj» nomli 4 tasmali avtomobil ko‘prigi ikki yil ichida ikkinchi marta qulab tushgan.
U Bixar shtatining Bxagalpur shahrida joylashgan.
Dastlab ko‘prikning markaziy qismi qulagan, keyinroq uning tayanch ustunlari qiyshayib, daryoga tushib ketgan.
2022 yilda aynan shu ko‘prik qismini to‘fon uchirib ketgan edi. Shundan so‘ng konstruksiya tiklangan.
Baxtli tasodif bilan voqeada hech kim jabrlanmagan.
Maʼlumot uchun: 3,1 km.li ko‘prik qurilishi 2014 yilda boshlangan va 2019 yilda yakunlanishi rejalashtirilgan edi.
Shu paytgacha loyihaga 208 million dollar sarflangan.
