Toshkentdan Chorvoqqa avtobus qatnovi yo‘lga qo‘yildi
Avtobuslar har kuni uchta grafik asosida harakatlanadi.
Toshkent viloyatiga keluvchi xorijiy va mahalliy sayyohlarga qulaylik yaratish maqsadida poytaxtdan Toshkent viloyatining Bo‘stonliq tumaniga (“Chorvoq” erkin turistik zonasiga) grafik asosida qatnovchi avtobuslar harakati yo‘lga qo‘yildi.
Transport vazirligining xabar berishicha, avtobuslar «Mashinasozlar metro bekati – Chorvoq» yo‘nalishida har kuni uchta grafik asosida harakatlanadi. Yo‘nalishda yo‘lovchilar belgilangan manzilga 1 soat-u 10 daqiqada yetib boradi.
Qayd etilishicha, avtobuslar Mashinasozlar metro bekatidan har kuni soat 7:00, 13:00 va 18:00 da jo‘naydi. Chorvoqdan esa 6:00, 11:00 va 16:00 da harakatlanadi. Ushbu yo‘nalishda yo‘lkira narxi 15 000 so‘m etib belgilangan.
