Rossiya hukumati vayron qilingan Mariupolga talabalarni yuboradi
Talabalar qurilish ishlarida qatnashadi.
Rossiya hukumati bosib olingan Mariupolni tiklash uchun rossiyalik talabalarni jalb qilishni rejalashtirmoqda. Bu haqda Rossiya Federatsiyasi hukumati rahbari o‘rinbosari Tatyana Golikova maʼlum qildi deb yozadi “TASS”.
Uning so‘zlariga ko‘ra, qurilish otryadlariga jami 200 mingdan ortiq kishi qo‘shiladi hamda bularning katta qismi Mariupol shahrini qayta tiklashga jo‘natilish rejalashtirilgan.
“Bu yil yoz siz uchun yangi imkoniyatlar ochadi. Ishonchim komilki, siz bajarishingiz kerak bo‘lgan barcha vazifalarni yengib o‘tasiz”, - dedi Bosh vazir o‘rinbosari.
Shuningdek, u rossiyalik talabalar Donesk viloyatidagi harbiy harakatlar natijasida vayron bo‘lgan Saur-Mogila yodgorlik majmuasini tiklashda allaqachon ishtirok etganini ham taʼkidlagan.
