Samarqandda gaz taʼminoti bo‘limi xodimi pora bilan ushlandi
Unga nisbatan 2 ta modda bo‘yicha ish ochilgan.
Samarqand shahrida gaz tarmog‘iga noqonuniy ulanish holati bo‘yicha tuzilgan dalolatnomani yo‘q qilib berishni vaʼda qilgan firibgar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum bo‘lishicha, “Samarqandshahargaz” gaz taʼminoti bo‘limi aholi xonadonlariga texnik xizmat ko‘rsatish chilangari J.A. fuqaro D.N.ning xonadonidagi isitish qozoni gaz tarmog‘iga noqonuniy ulanganligi holati bo‘yicha tuzilgan dalolatnomani yo‘q qilib berish evaziga 4 mln so‘mni olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 25, 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
