Qonunchilik talablariga amal qilmagan mansabdorlarga nisbatan taqdimnoma kiritildi
Ro‘yxatda Jizzax, Sirdaryo va Andijon viloyatlari hokimliklari hamda “O‘zavtosanoat” mansabdor shaxslari ham bor.
Korrupsiyaga qarshi kurashish agentligi tomonidan o‘tkazilgan o‘rganish natijalariga ko‘ra, Jizzax, Sirdaryo va Andijon viloyatlari hokimliklariga, shuningdek, Madaniyat va turizm vazirligi huzuridagi Kinematografiya agentligi, “Aloqabank” ATB hamda “O‘zavtosanoat” AJlarga ochiqlikni taʼminlash sohasida yo‘l qo‘yilgan kamchiliklarni bartaraf etish hamda xizmat vazifalariga masʼuliyatsizlik bilan yondashgan mansabdor shaxslarga nisbatan tegishli intizomiy jazo chorasini qo‘llash to‘g‘risida taqdimnoma kiritildi.
Bundan tashqari, davlat hokimiyati va boshqaruvi organlari faoliyatining ochiqligi to‘g‘risidagi qonunchilikni buzganlik uchun Sanitariya-epidemiologik osoyishtalik va jamoat salomatligi xizmati mansabdor shaxsiga nisbatan MJtKning tegishli moddalari bilan maʼmuriy bayonnoma rasmiylashtirilib, ko‘rib chiqish uchun sudga yuborildi.
Hozirda mazkur yo‘nalishdagi o‘rganishlar boshqa davlat organlari va tashkilotlari faoliyatida ham davom ettirilmoqda.
