BAA va Qatar diplomatik munosabatlarini qayta tikladi
Har ikki davlatda elchixonalar qayta ochildi.
Ikki davlatning ikki tomonlama munosabatlarni mustahkamlash istagidan kelib chiqib, Qatar va BAA diplomatik munosabatlar qayta tiklangani haqida eʼlon qildi.
Qatarning Abu-Dabidagi elchixonasi va Dubaydagi konsulligi hamda Dohadagi BAA elchixonasi qayta ochilgan.
2017 yilning yozida Bahrayn, Yaman, Liviya, Birlashgan Arab Amirliklari, Saudiya Arabistoni va Misr Doha bilan diplomatik munosabatlarni uzganini eʼlon qilgandi. Bu qarorga asosiy sabab Qatarning beqarorlashtiruvchi roli va ekstremistlarni qo‘llab-quvvatlashi bilan izohlanadi. Dohada bu ayblovlar asossiz deb atalgan.
2021 yil boshida Arab monarxiyalari va Misr Saudiyaning El-Ulya shahrida Qatar bilan barcha kelishmovchiliklarga barham berish, u bilan to‘liq munosabatlarni tiklash va transport blokadasini olib tashlash to‘g‘risida kelishuv imzolagandi. Biroq barcha davlatlar bilan aloqalar tiklanmadi.
Mart oyi boshida Eron va Saudiya Arabistoni diplomatik munosabatlarni tiklash bo‘yicha kelishuv imzolagandi. Keyinroq Pekinda Saudiya Arabistoni tashqi ishlar vaziri Faysal bin Farxon Ol Saud va Eron diplomatiyasi rahbari Husayn Amir Abdullohian yetti yil ichida birinchi marta uchrashdi.
